Izendapen libreko lanpostuetarako hautaketa prozesuetatik eratorritako eskaintzak eta lan-poltsarik ez egotearen ondoriozko lan-eskaintzak.
ETB – PLATO LAGUNTZAILEA
Dekoratuak, osagarriak eta abar garraiatzeaz, muntatzeaz, desmuntatzeaz eta mantentzeaz arduratzen da bai eta, oro har, ofizioko profesionalei laguntzeaz ere. Dekoratuak eta lan-lekuak garbitzeaz arduratzen da, halaber.
Funtzioak
- Agertokiaren arduradunen edo arotzen jarraibideak betez, dekoratuak eta osagarriak muntatzeaz arduratzen da, hala ETBren estudioetan nola kanpoan. Gainera, horiek desmuntatu, konpondu, garraiatu eta biltegiratu beharko ditu, eta aldi bakoitzean platoa, dekoratuak berak eta platoko lan-lekuak garbituko ditu.
- Errezelak, zikloramak eta, oro har, platoko departamentuaren ardurapeko elementu guztiak berrikustea, funtzionamendu- eta segurtasun-egoera ezin hobean daudela bermatuta eta plato-arduradunari jakinarazita edozer akats edo falta.
- Plato-arduradunak agintzen dionean, arotz, margolari eta gainerako langileek behar duten laguntza ematea, baita agertokiko edo attrezzoko arduradunak agintzen diotenean ere.
- Bere espezialitatearen eta prestakuntzaren arabera, eskatzen zaion beste edozer lan egingo du (errementaritza, elektrizitatea, arotzeria, margoketak, tapizeria, elektronika, papereztatzea, eskultura, delineazioa, moketatzea, mekanika, plastikoa...).
- Tresna, makina eta lanabesak mantentzeaz, garbitzeaz eta ondo erabiltzeaz arduratuko da, bertan sartutako enpresak bere esku utzitako arropa, oinetakoak eta norbera babesteko elementuak eta horien narriadura edo erabilera okerra ikusten badu, plato-arduradunari jakinaraziko dio.
- Baliteke kanpora joan behar izatea platoko lanetarako behar diren materialak edo tresnak lortzera.
Titulazioa
- Barnealdeetako Dekorazioko eta Birgaitzeko Obretako Teknikaria
- Baliokidea
Baldintzak
- Euskera: B2
- Gidabaimena: B
- Eraikuntzako teknikaria
- Eraikuntza-proiektuetako goi-mailako teknikaria
- Obra Zibileko Proiektuetako goi-mailako teknikaria
- Eraikuntza-obrak Antolatzeko eta Kontrolatzeko goi-mailako teknikaria
Kontratu mota: ORDEZKAPEN KONTRATUA
Plazak: 1
Lantokia: MIRAMON
Soldata: 30.804,76 € gordin/urteko
EiTB – SISTEMEN TEKNIKARIA
Ezarritako ekoizpen, komunikazio, transmisio, IT sistema eta lan fluxuen ekipamendua eta sistemak behar bezala ustiatzeaz arduratzen den profesional nagusia, horien euskarria barne, esleitzen zaionean, eta dagokion langile teknikoen koordinazioa.
Funtzioak
- Erakundearen arloei aholkularitza, gaikuntza edo indukzioa eta laguntza teknikoa ematea, bere eskumenen esparruan.
- Informazio-teknologiaren arloan erakundeak dituen garapen-beharrak konpontzea eta babestea ahalbidetuko duten proiektuen jarraipena proposatzea, antolatzea, gauzatzea, ikuskatzea, koordinatzea eta dokumentatzea, inplikatuak eta eragindakoak eta/edo nagusi hurrena jakinaren gainean egon ondoren.
- Aurrerapen teknologikoak edo jardunbide egokiak aplikatzeko ikerketak garatzea, erakundearen prozesuetan inplementatzeko.
- IKTak kudeatzeko eta jarduteko segurtasun-politika eta prozedura egokiak ezartzea, indarrean dagoen legeriaren eta araudiaren arabera.
- Bere eskumenen esparruan, erakundearen barruko beste profesional batzuei iritziak eta txosten teknikoak egitea eta proposatzea.
Titulazioa
- Informatikako Ingeniaritzako Gradua
Baldintzak
- Euskera: C1
- Gidabaimena: B
- EDO
- Gradua Industria Elektronikaren eta Automatikaren Ingeniaritzan.
- Gradua Ingeniaritza Elektronikoan.
- Gradua Telekomunikazioaren Teknologiaren Ingeniaritzan.
- Gradua Kudeaketaren eta Informazio Sistemen Ingeniaritza Informatikoan.
Kontratu mota: ORDEZKAPEN KONTRATUA
Plazak: 1
Lantokia: MIRAMON
Soldata: 47.915.50 € gordin/urteko.
ETB – FIKZIOKO ARDURADUNA
EITB Mediaren fikziozko proiektuen garapena editorialki eta sormenez laguntzeaz arduratzen den pertsona, tratamenduak eta gidoiak sortu eta idazteko lehen faseetatik argitaratutako lehen bertsioraino, irizpide narratiboa, gaitasun analitikoa eta sentsibilitate editoriala emanez, erabakiak hartzea errazteko eta lanen ahalik eta bertsio onena lortzen laguntzeko.
Funtzioak
- Fikziozko proiektu bakoitza (proiektu zinemtografikoak eta fikziozko serieak) EITB Mediaren argitalpen-estrategian nola txertatzen den ebaluatzea.
- Ikus-entzunezko proiektuak eta proiektu zinematografikoak aztertzea garapen-fase guztietan, ideiatik eta tratamendutik gidoi-bertsio desberdinetaraino eta argitaratutako lehen bertsioraino.
- Balorazio-txosten zorrotzak, argiak, egituratuak eta arrazoituak egitea, Zuzendaritzak erabakiak hartzea errazteko.
- Proiektu bakoitzaren indarguneak, ahuleziak, arriskuak eta hobetzeko aukerak detektatzea.
- Egitura, pertsonaia, tonu, erritmo, ikuspegi edo eraikuntza dramatikoko arazoak identifikatzea eta irtenbide zehatzak proposatzea.
- Idazketa eta berridazketa prozesuetan gidoilariei, zuzendariei eta ekoizleei laguntzea.
- Galderak egitea, alternatibak planteatzea eta garatzeko aukerak irekitzea, proiektu bakoitzaren nortasun sortzailea errespetatuz.
- Zuzendaritza-proposamenak, castinga eta proiektuak garatzeko garrantzitsuak diren beste sormen-elementu batzuk baloratzea.
- Argitaratutako lehen bertsioak ikustea eta aztertzea, eta behin betiko bertsioaren aurretik narrazioaren eraginkortasuna, erritmoa eta eraikuntza dramatikoa indartzeko oharrak eta iradokizunak egitea.
- Proiektuak baloratzeko eta hautatzeko prozesuetan eta ekoizpenen argitalpenen jarraipenean parte hartzea.
- Gidoilariekin, zuzendariekin, ekoizleekin eta talentu berriekin lankidetza eta konfiantzazko harremana izatea.
- Dagozkion arloekin lankidetzan aritzea sustapen estrategian eta estrategia transmedia eta digitalean.
- Fikzioaren joeren eta estatuko eta nazioarteko ikus-entzunezkoen eta zinemaren merkatuaren bilakaeraren etengabeko ikuspegi eguneratua izatea.
- Telebistetan, plataformetan, jaialdietan eta ekoizpen-ereduetan aukerak eta joera berriak identifikatzea.
- EITB Mediaren fikzio-estrategiari laguntzea, ahalmen handiko talentu berriak identifikatuz, ebaluatuz eta garatuz.
- Hainbat proiektu eta garapen-fase aldi berean kudeatzea, beharrezko zorroztasuna, antolaketa eta konfidentzialtasuna mantenduz.
Baldintzak
- Euskera: C1
- Ingelesa: C1
- Gidabaimena: B
- Ikus-entzunezko komunikazioaren, zinematografiaren, gidoiaren, ikus-entzunezko ekoizpenaren, kazetaritzaren, komunikazioaren, giza zientzien edo antzeko diziplinen arloarekin lotutako unibertsitateko edo goi-mailako prestakuntza.
- Esperientzia fikzioaren garapenean, gidoien analisian, balorazio batzordeetan, script editingean, argitalpen ikuskaritzan edo telebista, plataforma edo ekoizleen garapen sailetan. Bereziki baloratuko da euskarazko fikzio-proiektuen garapenean egiaztatutako esperientzia.
- Esperientzia egiaztatua fikzioa garatzeko prozesuetan eta/edo ikus-entzunezko proiektuen analisian eta balorazioan. Bereziki baloratuko da euskarazko fikzio-proiektuen garapenean egiaztatutako esperientzia.
- Fikziozko gidoiak eta proiektuak aztertzeko gaitasun frogagarria.
- Euskal ikus-entzunezko ekosistemaren eta estatuko eta nazioarteko ikus-entzunezko industriaren ezagutza egiaztatua
Kontratu mota: KONTRATU MUGAGABEA
Plazak: 1
Lantokia: BILBO